Sköpun - Ritröð um grunnþætti menntunar

SKÖPUN 44 með einstaklingskennslu. Kennarinn þarf að geta vakið spurningar, forvitni og áhuga og hvatt til starfs þar sem margar ólíkar leiðir eru til úrlausnar og mörg svör við hverri spurningu. Stór sigur er unninn þegar nemandinn hættir að spyrja í sífellu hvort eitthvað sé rétt eða rangt, hvort hann megi yrkja um grænan himin, Til umhugsunar – Beiti ég skapandi nálgun í kennslu? t Er ég hvetjandi og ýti undir forvitni og tilraunir? Gæti ég að þeim nemendum sem eiga erfitt með að stíga fram og taka áhættu? Sýni ég gott fordæmi með því að vera skapandi og leitandi? Get ég gert fleiri tilraunir í kennslunni? Leyfi ég mér að taka áhættu og gefa tilraunum nægan tíma til að þroskast og þróast? t Hlusta ég eftir hugmyndum nemandans, skoðunum og tilfinningum? Finna nemendur mínir að framlag þeirra skiptir mig miklu máli? Fæ ég hópinn með í samstarf og hugarflæði? t Man ég að ferlið er ekki síður mikilvægt en afraksturinn? Fer ég stundum af stað með verkefni án þess að vita nákvæmlega hvert verkefnið leiðir eða hvernig niðurstaðan lítur út? t Hef ég viðfangsefnin nægilega opin og leyfi nemendum að velja um leiðir við lausn verkefna? Hef ég nógu vel á hreinu hvaða nemendum hentar best að tjá sig í tali og rituðu máli eða með myndum og hljóðum, hreyfingu og rýmispælingum? t Gæti ég þess að vinna gegn fordómum, þröngum staðalímyndum, kynjamisrétti og vanahugsun? Fæ ég fólk til að líta upp og hugsa út fyrir rammann? t Gæti ég byggt brýr á milli sviða og greina? Er ég til í samstarf við aðra kennara? Gæti ég tengt saman lestur og líkamsbeitingu, samfélagsfræði og myndlist, stærðfræði og eldamennsku? Fer ég nógu oft út fyrir afmarkað rými skólastofunnar? Gæti ég unnið meira með foreldrum eða öðrum í nærsamfélagi skólans? Gef ég því gaum að nemandinn þarf innblástur úr alls kyns áttum? t Gæti ég í kennslunni virkjað betur augu, eyru, lykt og snertingu eða ýtt undir samræður og gagnrýna hugsun, rýni og heilabrot? Gætu nemendur tekið þátt í mati á eigin námi, framvindu og verkum?