Skilaboð móttekin

76 Auglýsingar hafa áhrif Sumir segja að auglýsingar hafi ekkert svo mikil áhrif og líka að ákvörðunin um að kaupa eða kaupa ekki byggist á frjálsum vilja okkar sjálfra Þetta síðarnefnda er alveg rétt Valdið er þitt. Frelsið til að kaupa eða ekki er alltaf þitt. Alveg sama hversu öflugar auglýsingarnar eru, valdið til að kaupa eða ekki kaupa er alltaf í okkar höndum En auglýsingar hafa samt gríðarleg áhrif Og við verðum ekki valdamikil gagnvart auglýsingum fyrr en við opnum augun og þjálfum okkur í að meðtaka þær á gagn- rýninn hátt Pældu í þessu svona – ef auglýsingar hefðu ekki áhrif þá væru fyrirtæki löngu hætt að verja gríðarlegum fjármunum í að framleiða þær Auglýsingamennska er ein stærsta atvinnugrein heims Við höldum varla að stórfyrirtækin setji alla þessa peninga í auglýsingar, bara upp á grín? Bara af því að þeim leiðist? Auglýsingar hafa sem sagt áhrif Og kannski eru fyrst og fremst tvær leiðir færar í því að kynna fyrir okkur auglýsingar og hafa áhrif á tilfinningar okkar: 1 Að notast við eitthvað sem er kunnuglegt og þekkt – eitthvað sem skapar sam- hljóm og þægilega tilfinningu 2 Að notast við eitthvað sem er ókunnugt og framandi – eitthvað sem skapar óróleika og spennu 3 Þriðja leiðin er líka til: Að skapa mátulega blöndu af þessu kunn- uglega og þessu framandi Til dæmis með því að sýna okkur eitthvað kunnuglegt (leiðinlegt og hversdagslegt) og sýna svo eitthvað nýtt og spennandi Eða með því að sýna okkur eitthvað ógnvænlegt og sýna svo eitthvað kunnuglegt og vinsamlegt sem lætur okkur líða betur á eftir