Skilaboð móttekin

56 Þetta er snúinn leikur sem snýst um að skilja muninn á gerviþörf og raunverulegri þörf Því hvað þurfum við annað til að lifa af en vatn, súrefni, föt, húsaskjól og smávegis mat? En svo er allt hitt sem við viljum og erum vön að sé til, allt hitt sem okkur finnst skemmtilegt að leika okkur með og þykir gaman að eiga Fyrirtæki vilja selja Það er harður heimur að vera í viðskiptum og auglýsingar eru hluti af þeim heimi Það er sjaldgæft að fyrirtæki geti kynnt nýja vöru á markað án þess að hún sé auglýst sérstaklega Í nútímaheimi, þar sem vöruúrval er gríðarlegt og áreiti upplýsinga mjög mikið, er baráttan um aurana í veskinu þínu mjög miskunnarlaus og kostnaðarsöm Kannski finnst þér ég tala um fyrirtækin sem illgjarna aðila sem ásælast allt sem þú átt – en það er líka hægt að hugsa með sér að fyrirtækin séu alltaf að reyna að gera þér til hæfis. Þau eru alltaf að reyna að skapa vörur sem þig vantar og gera líf þitt betra Sumar vörur eru okkur nauðsynlegar á hverjum degi eða að minnsta kosti nokkrum sinnum í mánuði, á meðan við þurfum bara alls ekki á öðrum vörum að halda