Skapandi dans - Handbók fyrir kennara

40 Bein lína Nemendur standa í öðrum enda rýmisins og kennarinn beint á móti í hinum endanum. Einn nemandi gengur yfir rýmið með augun lokuð þar til kennarinn hefur tekið á móti honum. Kennarinn tekur utan um axlir nemandans og þá má nemandinn opna augun. Síðan fer næsti nemandi af stað og sá fyrsti tekur á móti honum og þannig koll af kolli þangað til allir nemendurnir eru komnir yfir. Kennarinn gæti þurft að aðstoða yngri nemendur við að taka á móti. Miðja Þessi æfing er kjörin fyrir hóp sem þekkist vel innbyrðis. Nemendur standa þétt saman í hring og horfa inn í hringinn. Einn nemandi stendur í miðjunni með lokuð augu og finnur tengingu í gegnum fæturnar niður í gólf, að öðru leyti er hann afslappaður. Hinir styðja við efri hluta líkama hans, axlir, brjóstkassa og herðablöð. Sá í miðjunni lætur sig falla í ólíkar áttir og hinir grípa hann, bera þyngd hans og ýta honum til baka. Allir nemendur fá að prófa að vera í miðjunni. Gott er að vera ekki of margir í hóp, fimm í mesta lagi. Aldursstig: 1.–10. bekkur. Markmið æfingarinnar er að auka: − jákvæð samskipti. − samkennd í nemendahóp. Aldursstig: 5.–10. bekkur. Markmið æfingarinnar er að auka: − jákvæð samskipti. − samkennd í nemendahóp.