Gudda í Stakkagerði hét Guðríður Símonardóttir. Í bókarlok geturðu lesið meira um hana. Sagan um skyrturnar sem ræningjarnir gáfu barninu er í Reisubók séra Ólafs Egilssonar. Ólafur skrifaði að sjóræningjarnir hefðu ekki gert neinum mein eftir að komið var um borð í skipið. Ástæðan var auðvitað sú að þeir ætluðu að selja fólkið á þrælamarkaði og vildu halda „verðmæti“ þess. Skírnarsálmurinn sem þau sungu kallast „Þú varst fyrir oss eitt ungabarn“ og er eftir Ólaf Guðmundsson á Sauðanesi. Sálmurinn, sem var í Sálmabók Guðbrands Þorlákssonar sem kom út 1598, gefur vísbendingu um hvernig íslenskan var á þessum tíma. Merking sálmsins er: Við látum þig fá þetta barn, blíði Jesú frelsari okkar. Leiddu það inn í kristnina, hlífðu því og frelsaðu það frá allri neyð. VANGAVELTUR OG HUGLEIÐINGAR VIÐ 7. KAFLA 63
RkJQdWJsaXNoZXIy MjIxNzc=