63 Verðlaun sem veitt eru árlega til einstaklinga, stofnana eða samtaka sem unnið hafa að bræðralagi þjóða og að friði í heiminum. FRIÐARVERÐLAUN NÓBELS NELSON MANDELA (1918-2013) Einn helsti baráttumaður gegn aðskilnaðarstefnunni í Suður-Afríku. Hann sat í fangelsi í 27 ár vegna baráttu sinnar. Mandela var fyrsti lýðræðislega kjörni forseti Suður-Afríku. Hann hlaut friðarverðlaun Nóbels árið 1993. JANE ADDAMS (1860-1935) Bandarísk baráttukona fyrir heimsfriði. Hún barðist fyrir réttindum kvenna og stofnaði alþjóðasamtök kvenna fyrir heimsfriði. Addams hlaut friðarverðlaun Nóbels árið 1932. DR. MARTIN LUTHER KING JR. (1929-1968) Þekktastur fyrir að berjast fyrir réttindum blökkumanna og gegn aðskilnaði kynþátta í Bandaríkjunum á 7. áratugnum. Hann talaði fyrir friðsamlegum aðgerðum og hlaut friðarverðlaun Nóbels árið 1964. MAHATMA GANDHI (1869-1948) Leiðtogi pólitískrar hreyfingar á Indlandi sem barðist fyrir sjálfstæði frá Bretum. Hann talaði fyrir friðsamlegum aðgerðum og fordæmdi ofbeldi. Gandhi var tilnefndur til friðarverðlauna Nóbels alls fimm sinnum en hlaut hins vegar aldrei verðlaunin. MÓÐIR TERESA (1910-1997) Nunna sem fædd var í Albaníu. Stofnaði trúarregluna Teresusystur sem hjálpaði þeim allra fátækustu. Hún hlaut friðarverðlaun Nóbels árið 1979.
RkJQdWJsaXNoZXIy MjIxNzc=