60 En hvað getum við gert til að vinna að heimsmarkmiðum Sameinuðu þjóðanna, sýnt samkennd og látið til okkar taka? Í heimsmarkmið- unum er að finna ýmsar leiðir til að vinna að betri heimi. Fyrsta skrefið er að kynna sér markmiðin og hvað hver og einn getur gert. Til eru ýmis mannréttindasamtök, sem vekja athygli á órétt- læti, ofbeldi og glæpum í heiminum, t.d. Amnesty International og Human Rights Watch. Hlutverk þeirra er að fylgjast með og skrá- setja mannréttindabrot víða um heim, vekja athygli á þeim og að kalla eftir stuðningi fólks. Slík samtök eru ákveðin forvörn og aðhaldsafl sem hafa komið í veg fyrir mannréttindabrot. Mannréttindabrot og ofbeldi þrífst í skjóli þöggunar og refsileysis og því er mikilvægt að hulunni sé svipt af þeim. Einstaklingar geta einnig styrkt ýmis hjálparsamtök sem aðstoða fólk í neyð. Ungt fólk getur lagt sitt af mörkum með ýmsum hætti, t.d. gengið í samtök er vinna að mannréttindum og friði. Samtakamáttur fólks getur verið sterkt afl og sömuleiðis einstaklingsframtakið. Greta Thunberg og Malala Yousafzai eru gott dæmi um það. HVAÐ GETUM VIÐ GERT?
RkJQdWJsaXNoZXIy MjIxNzc=