59 En ef við á Norðurlöndunum höfum það svona gott, af hverju kemur okkur þá við hvort aðrir hafi það ekki eins gott annars staðar í heimin- um? Er það nokkuð okkar vandamál? Við sjáum alls kyns ofbeldi í frétt- um og á samfélagsmiðlum, fólk sem hefur misst allt sitt í átökum og stríði, flúið heimili sín og stendur uppi allslaust. Norðurlöndin eru aðilar að Sameinuðu þjóðunum og taka þátt í ýmiss konar þróunarsamvinnu í samstarfi við alþjóðastofnanir. Þar með hafa þau skuldbundið sig til að taka þátt í að aðstoða og hjálpa þeim löndum þar sem lífsskilyrði eru ekki eins góð. Þörfin á neyðar- og mannúðaraðstoð fer vaxandi m.a. vegna fátæktar, vopnaðra átaka og loftslagsbreytinga í heiminum. Með þróunarsamvinnu sýna löndin samkennd í garð fátækari landa og sýna í verki að okkur er ekki sama um fólk annars staðar í heiminum. Markmið heimsmarkmiða Sameinuðu þjóðanna er m.a. að draga úr hungri og fátækt, vinna að mannréttindum, kynjajafnrétti og sjálfbærri þróun. Verkefni + Kynntu þér heimsmarkmið Sameinuðu þjóðanna um sjálfbæra þróun. Hvaða hlutverki gegna þau í friði? KEMUR OKKUR ÞETTA VIÐ?
RkJQdWJsaXNoZXIy MjIxNzc=