55 Seinni heimsstyrjöldin, sem stóð frá árinu 1939-1945, var ein mann- skæðasta styrjöld mannkynssögunnar þar sem tugir milljóna manna létust. Bandamenn í því stríði voru Bandaríkin, Bretland, Frakkland, Kína og Sovétríkin sem börðust á móti Öxulveldunum, þ.e. Ítalíu, Japan og Þýskalandi. Styrjöldin leiddi miklar hörmungar yfir fólk sem varð til þess að Sameinuðu þjóðirnar (SÞ) voru stofnaðar 24. október árið 1945. Tilgangur með stofnun þeirra var að koma í veg fyrir að hörm- ungar stríðsins myndu endurtaka sig. Sameinuðu þjóðirnar hafa þrjú meginmarkmið: Að viðhalda heimsfriði og öryggi, að útrýma fátækt og að vernda mannréttindi fólks. Stofnun Sameinuðu þjóðanna var ekki fyrsta tilraunin sem gerð var til að koma á friði í heiminum. Má þar nefna Friðarsamningana í Vestfalíu STOFNUN SAMEINUÐU ÞJÓÐANNA — AÐ VIÐHALDA FRIÐI á 17. öld, Vínarfundinn á 19. öld og Þjóðabandalagið sem stofnað var eftir fyrri heimsstyrjöldina árið 1918. Allar þessar friðartilraunir fóru hins vegar út um þúfur og stríð braust út á ný. Sameinuðu þjóðirnar eru alþjóðastofnun með höfuðstöðvar í New York í Bandaríkjunum. Upphaflegur fjöldi stofnríkja SÞ var 51 ríki en aðildarríkin eru nú 193 talsins. Sameinuðu þjóðirnar vinna eftir ákveðnum sáttmála hinna Sameinuðu þjóða, sem er einskonar stjórnar- skrá. Verkefni samtakanna hefur breyst nokkuð frá því sem var í byrjun. Undir þessa málaflokka heyra nú ýmis verkefni eins og sjálfbær þróun, íbúafjöldi, heilbrigði, viðskipti, menntun, loftslagsmál, netöryggi, hryðjuverk o.fl.
RkJQdWJsaXNoZXIy MjIxNzc=