68 æfingar í heimspeki

50 68 ÆFINGAR Í HEIMSPEKI – Menntamálastofnun 2020 – 40596 Æfing 51: Rótað í ruslagámi Aldur: Unglingastig og eldri. Unglingur rótar í ólæstum ruslagámi fyrir utan raftækjaverslun og finnur þar ýmislegt nýtilegt. Margt af því sem þar er að finna er ónotað og óskemmt fyrir utan smávægilega útlitsgalla t.d. rispur eftir flutninga. Dag nokkur finnur hann rafmagnsgítar í gáminum sem er með slitna strengi og dálítið rispaður en að öðru leyti alveg heill. Hann tekur gítarinn úr gámnum og gefur hann í jólagjöf. 1. Var í lagi að hann tæki gítarinn úr gámnum? 2. Er það sem hann gerði þjófnaður? 3. Hver á það sem er í ruslagámnum? 4. Hvað á sá að gera sem fær svona gjöf, ef vitað er að gjöfin er fengin með þess- um hætti? Æfing 52: Seðlaveskið Aldur: Unglingastig og eldri. Þessa sögu sagði unglingur. Leiðbeinandi les eða þátttakendur gera það sjálfir. Síðan er efni frásagnarinnar rökrætt og fylgjameð spurningar eða samræðuáætlun sem má byggja á: Einu sinni var ég í bakaríi með mömmu og pabba. Ég sá veski á gólfinu, tók það upp, opnaði það og sá að í því voru kr. 50.000. Í veskinu voru líka kort með nafni eigandans. Ég fór heim með veskið, fletti nafninu upp á netinu, hringdi í manninn sem kom og sótti það. Hann gaf mér 5000 krónur í fundarlaun. Brjóta má frásögnina upp og byrja á því að segja segja fyrri hlutann þ.e. um fund veskisins og hvað var í því og spyrja í framhaldi af því: 1. Hvað hefðir þú gert hefðir þú verið í sporumfinnandans? Hefðir þú skilað veskinu eða haldið því, hefðir þú tekið eitthvað úr því og komið einhverju til skila? 2. Eru 5000 krónur sanngjörn fundarlaun? 3. Er sjálfsagt að fólk fái fundarlaun finni það einhver verðmæti? 4. Borgaði heiðarleikinn sig í þessu tilviki? Æfing 53: Hjá tannlækni Aldur: Unglingastig og eldri. Þú ert hjá tannlækni. Tannlæknirinn er að setja í þig rándýra tannkrónu þegar hann missir hana uppi í þér. Þú bregst ósjálfrátt við á þann hátt að þú gleypir tannkrónuna. Hvað gerir þú og hversvegna? 1. Kaupi nýja tönn. 2. Fer fram á að tannlæknirinn kaupi nýja tönn.