68 æfingar í heimspeki

43 68 ÆFINGAR Í HEIMSPEKI – Menntamálastofnun 2014 – 40596 Ef þátttakandi ákveður að númer 7 skipti meira máli en númer 13 þá leggur leiðbeinandi miða með atriði númer 7 á græna spjaldið og atriði númer 13 á rauða spjaldið. Það sem fer á rauða spjaldið er fallið úr leik en þegar búið verður að velja allar tölurnar einu sinni er farin önnur umferð og valið úr það sem fór á græna spjaldið uns eitt atriði stendur eftir sem það mikilvægasta í skólastarfi. Í síðasta hluta þessa verkefnis mega þátttakendur tilgreina einhver þrjú atriði sem lentu á rauða spjaldinu sem þeir vilja bjarga , þ.e. sem þeir hefðu viljað sjá á græna spjaldinu. Mikilvægt er að þátttakendur rökstyðji val sitt vel og sjálfsagt er að samræður í hópnum eigi sér stað um hvert val og einnig í lokin þegar búið er að flokka öll efnisatriðin. Æfing 44: Hver er besti kosturinn? Gögn: Valkostir sem fylgja hér að neðan. Markmið: Að vega og meta ólíka kosti sem standa manni til boða áður en ákvörðun er tekin, samræða. Aldur: Allur aldur. Lýsing: Í lífinu stendur maður iðulega frammi fyrir ýmsum valkostum. Oftar en ekki kemur það fyrir að allir kostirnir eru slæmir og þá er að finna út hver sé sá skásti. Þessari æfingu er ætlað að fá þátttakendur til að standa frammi fyrir erfiðu vali, vega og meta kosti og ókosti og taka afstöðu. Gefnir eru ýmist upp tveir eða þrír valkostir og velja þátttakendur einn af þeim og rökstyðja afstöðu sína. 1. Myndir þú vilja villast í a. frumskógi? b. eyðimörk? c. píramída? 2. Myndir þú vilja vera a. gáfuðust/gáfaðastur í heimi? b. fyndnust/fyndnastur í heimi? c. fallegust/fallegastur í heimi? 3. Myndir þú vilja skipta um líf við a. kött? b. hest? c. fugl?