68 æfingar í heimspeki

39 68 ÆFINGAR Í HEIMSPEKI – Menntamálastofnun 2014 – 40596 F . Skapandi hugsun og ímyndunarafl Æfing 40: Hver hringdi? Gögn: Frásögn, blöð, skriffæri. Markmið: Að virkja ímyndunarafl, skapandi hugsun, samræður. Aldur: Miðstig og eldri. Lýsing: Leiðbeinandi segir frá draumi unglingsstúlku: Mig dreymdi að síminn væri að hringja, ég tók símann og reyndi að svara með því að ýta á svartakkann en ekkert gerðist. Síminn hringdi áfram og ítrekað reyndi ég að svara. Að lokum tókst mér að svara og sagði: „Hver er þetta? Og hvað viltu?“ En ég var of sein, sá eða sú sem hringdi hafði þá skellt á. Eftir að hafa heyrt drauminn skrifa þátttakendur niður svör við spurningunum tveimur sem stúlkan spurði. Hver var þetta og hvað vildi viðkomandi? Svör þátttakenda kynnt ýmist með því að þeir lesa sjálfir upp svör sín eða að leiðbeinandi safnar þeim saman og les upp fyrir hópinn og kemur þá ekki fram hver svaraði hverju. Slíkt er gert í þeim tilvikum þegar þátttakendur eru óöruggir við að leggja verk sín í dóm annarra þátttakenda. Samræður um svörin. Æfing 41: Maður á gægjum Gögn: Frásögn, blöð skriffæri. Markmið: Að virkja ímyndunarafl og efla skapandi hugsun, hugtakagreining, takast á við sið- ferðilegt álitamál, samræður. Aldur: Unglingastig og eldri. Lýsing: Frásögnin sem notuð er í þessari æfingu er fengin úr bókinni L´ étre et le néant eftir Jean-Paul Sartre. Leiðbeinandi segir frá: Maður nokkur er staddur fyrir framan herbergi á hóteli. Þetta gerist á þeim tíma þegar hurðir voru með skráargati. Maðurinn er á hnjánum upptekinn við að kíkja í gegnum skráargatið á eitthvað, einhvern eða einhverja inni í herberginu. Skyndilega verður hann var við fótatak fyrir aftan sig. Einhver hefur komið að honum þar sem hann liggur á gægjum. Þátttakendur svara eftirfarandi tveimur spurningum á blað: 1. Hvað var að gerast inni í herberginu? 2. Hvernig er upplifun hans og hvernig bregst hann við þegar hann verður var við einhvern fyrir aftan sig. Svör þátttakenda kynnt, ýmist með því að þeir lesa þau sjálfir upp eða leiðbeinandi safnar þeim saman og les upp fyrir hópinn. Ef leiðbeinandi les upp svörin kemur