Saman gegn matarsóun

Saman gegn matarsóun 19 Forvinna og undirbúningur Hvernig er eiginlega hægt að mæla matarsóun? Ein leið til þess er að vigta matinn sem sóast. Munið að hlutar af matnum eins og ávaxtahýði, eggja- skurn og bein teljast ekki sem matur og eiga ekki að vigtast með matar- leifunum. En svo er líka misjafnt hvað fólk telur vera matarsóun og hvað líf- rænan úrgang. Það er t.d. matarsóun þegar stilkurinn á spergilkálinu er ekki borðaður, þegar epli er ekki klárað (sumir borða allt eplið með fræjum og öllu) og þegar kjöt er ekki skafið af beinunum. Slík matarsóun er oft ekki eins sýnileg og er misjöfn milli kynslóða og jafnvel þjóða. Hægt er að framkvæma þetta verkefni á marga vegu og þið finnið út hvað hentar ykkar skóla best. Það væri t.d. hægt að vigta alla matarsóun í eina viku án vitundar annarra nemenda, fara svo í vitundarvakningu og mæla aftur síðar í viku til að meta árangur. Best er ef sami matseðill er báðar vikurnar sem mælt er svo niður- stöðurnar séu marktækar. Námsgögn/efni og áhöld: Vigt, ritföng, tölva/reiknivél Verkefni 5. Mæling á matarsóun í skólanum