142 Stína horfir snöggt í kringum sig og segir mjög ósannfærandi: „Ó, en skrítið,“ en byrjar svo bara að kvarta yfir Eddu aftur. Þegar við erum búin að labba dálítið lengur stoppum við allt í einu beint fyrir framan eitthvert hús sem stendur stórum stöfum framan á Verzlunarskóli Íslands. Hver notar eiginlega enn þá zetu? Það er sko lööööööngu úrelt. Ég bendi Stínu, sem hefur enn þá engan áhuga á því sem ég er að segja, að það standi Verzlunar með zetu en ekki essi framan á húsinu sem er mjög skrítið. Stína kinkar bara áhugalaus kolli og byrjar að hneykslast á því að Edda elski Kim Kardashian, hver sem það er? Örugglega einhver bílakona fyrst hún hefur car í nafninu sínu, sem ég held að þýði bíll. VI Ég ætla að fara að skamma Stínu fyrir áhugaleysið en áður en ég get byrjað að tala ræskir Laufey kennari sig og biður okkur vinsamlegast að þegja. Svo hálfglottir hún frekar stríðnislega og segir glettin: „Krakkar, dóttur minni, henni Sölku, sem er í þessum skóla,“ segir Laufey og bendir á húsið sem stendur Verzlunar á, „þykir svo vandræðalegt að ég komi inn í skólann til hennar. Hún vill sko helst halda mér hundrað metrum frá honum,“ segir hún og hlær. Síðan bætir hún við: „Salka gleymdi tónlistardótinu sínu heima og eins og ég var að segja finnst henni svo vandræðalegt að ég komi inn svo ég var að spá hvort þið vilduð ekki skila dótinu til hennar fyrir mig.“ Flestir hrópa já – yfir sig spenntir – og Edda klappar meira að segja saman lófunum af spenningi. Nema ég, mér finnst
RkJQdWJsaXNoZXIy MjIxNzc=