138 vegna skellti Laufey á mig enn einu sjokkinu. Ég er að fara að fá þrefalda undirhöku og ég kann greinilega ekki einu sinni að tala! Ég er bara hissa að það hafi ekki liðið yfir mig á stundinni! En í staðinn byrjar einhver kökkur að myndast í hálsinum mínum og áður en ég veit af er ég barasta byrjuð að skæla. Þá held ég að Laufey hafi fengið dálítið samviskubit því hún biðst afsökunar frekar sakbitin yfir að hafa verið of hörð við mig og segir að það væri fullkomlega eðlilegt að fyrir mér væri þvílíkur eldhugi eins og Halldór Kiljan Laxness bara einhver gamall kall með ofurlitla undirhöku. Mig langar virkilega til að benda henni á að hann hafi ekki verið með ofurlitla undirhöku heldur þrefalda undirhöku en ég get varla talað fyrir ekkasogunum og ákveð að sleppa því. IV Þegar ég get loksins talað aftur reyni ég að útskýra fyrir Laufeyju að ég hafi sko ekkert farið að gráta út af því að henni fyndist ég ekki finnast Halldór nógu merkilegur heldur … En áður en ég get haldið áfram grípur Stína fram í fyrir mér (síðan hvenær er Stína þarna og líka Edda? Ó guð þær sáu mig örugglega gráta). „Fyrirgefðu Sunna að ég varð svona fúl út í þig. Mér finnst bara frekar pirrandi þegar þú kallar mig ljótum nöfnum en ég fattaði ekki að þú myndir fara að gráta.“ Auðvitað þarf Stína endilega að segja þetta beint fyrir framan nefið á Laufeyju kennara sem fer núna að skamma mig fyrir að kalla
RkJQdWJsaXNoZXIy MjIxNzc=