77 Risaeðlurötunarvélin Aðalgeir Emil Arason Kjærbo, 10 ára Einu sinni var 10 ára strákur sem hét Tulio. Dag einn þegar Tulio var að leika sér í skógi skammt frá húsinu sínu, sá hann eitthvað sem líktist eggi og hann fór nær til að skoða það betur. Hann var ekki alveg viss um hvers konar egg þetta var. Hann var samt alveg handviss um að þetta væri einhvers konar egg. Þetta egg var mjög stórt, svo hann hugsaði með sér að þetta gæti mögulega verið risaeðluegg. Þess vegna hringdi hann í vinkonu sína, Doktor Sif, af því að hún var risaeðlufræðingur og hún vissi alveg örugglega hvers konar egg þetta væri. Hún hafði lært risaeðlufræði hjá afa Tulios, en hann hafði verið einn frægasti risaeðlufræðingur allra tíma. „Er þetta Sif?“ „Já.“ „Ég held að ég hafi fundið risaeðluegg hérna í skóginum rétt hjá húsinu mínu. Á ég að fara með eggið eitthvert eða á ég að bíða eftir þér?“ „Þú mátt fara með eggið út á bílastæði og þá get ég komið og borið kennsl á það.“ „Sif, viltu þá að ég rúlli egginu á bílastæðið og bíði eftir þér?“ „Já.“ Hún skellti sér í létt rautt vesti út af því að það var svo heitt úti. Nokkrum mínútum síðar var hún komin á bílastæðið. Tulio var
RkJQdWJsaXNoZXIy MjIxNzc=