63 húsið eigi ekki að vera í Ljósvallagötu? Þau segja jú og þegar forsetinn skoðar kortið betur sér hann að húsið er ekki inni á kortinu og fer að hafa áhyggjur af að tilfærslan hafi ef til vill ekki tekist 100 prósent. Forsetinn verður stressaður og segir upphátt: – Ég þarf að láta Alheimsbandalagið vita. Krakkarnir þagna, þar til Björn spyr: – Ha? Alheims hvað? – Uuuuuuu, segir forsetinn. Ég meina sko ég þarf að láta mömmu þína vita. Svo ákveður hann að segja krökkunum frá Alheimsbandalaginu og hvað hafði gerst með jörðina. Þegar öfgar í veðurfari komu oftar og oftar fram með hitabylgjum, gróðureldum, mikilli úrkomu og flóðum mynduðu mestu þjóðhöfðingjar heims og sjö færustu vísindamennirnir Alheimsbandalagið. Þau vildu leita lausna fyrir mannkynið. Sem neyðarúrræði komst bandalagið að því að best væri að búa til falinn hnött út í geimi sem væri nákvæm eftirlíking af jörðinni. Þessi nýja jörð yrði nákvæmlega eins og sú gamla nema þar væri enginn loftlagsvandi og engin mengun. Allt væri umhverfisvænt og sjálfbært. Alheimsbandalagið útbjó líka ósýnilegt efni sem það staðsetti í andrúmsloftinu. Ósýnilega efnið gat hulið hvern og einn jarðarbúa bæði dýr og menn og fært þá yfir á hina jörðina. Það gerðist eingöngu ef ýtt væri á tiltekinn hnapp. Þau einu sem vissu um nýju jörðina, ósýnilega efnið og hnappinn var Alheimsbandalagið. Ef til þess kæmi að jörðin yrði óbyggleg kæmu allir þjóðhöfðingjarnir saman við hnappinn og ýttu á hann samtímis – því öðruvísi virkaði ekki hnappurinn! Ef einhver léti af embætti sem
RkJQdWJsaXNoZXIy MjIxNzc=