RISAstórar smáSÖGUR

76 Elísa varð svo reið út í Baltasar að hún öskraði: „BALTASAR ER RÆNINGINN!!!“ Mamma Elísu sagði: „VILTU GJÖRA SVOVEL AÐ HÆTTA ÞESSU!“ Elísa varð miður sín út af þessu og baðst afsökunar. Fyrsti tíminn var byrjaður og allir voru í stærðfræði, svo kom náttúrufræði og svo frímínútur. Elísu langaði ekki að fara út svo hún ákvað að vera bara inni í símanum sínum. Allt í einu kom Perla sem var í bekknum hennar og spurði hana hvort það væri allt í lagi. Elísa svaraði henni: „JÁ!“ Svo sagði Perla: „Ég veit um leyndarmálið þitt.“ Elísa varð hissa og sagði: „Ha, hvað meinar þú?“ Þá sagði Perla: „Hittu mig í dag eftir skóla fyrir utan hjá galdrakarlinum. Sjáumst klukkan tvö.“ Klukkan var orðin tvö og skólinn búinn, Elísa var á leiðinni til Baltasars með töskuna sína þegar hún sá Perlu fyrir utan. Hún hljóp til Perlu og þær ákváðu að fara inn um sama glugga og Elísa fór inn um síðast. Þær tróðu sér inn um hann og sáu þar bækur og allskonar dót. Elísa sýndi Perlu dótið og tilraunir Baltasars og sagði: „Hvað er þetta?“ „Þetta er mjög grunsamlegt!“ sagði Perla. Perla og Elísa ákváðu að fara fram og gá hvort þær gætu fundið eitthvað þegar þær heyrðu öskur. Þær voru handvissar um að þetta væru stelpurnar. Perla og Elísa fóru