RISAstórar smáSÖGUR

57 Covid-19 geimveran Kalla var bara tíu ára gömul en var samt ofurhetja sem bjargaði fólki undan Covid-19 veirunni. Foreldrar hennar voru bæði ofurhetjur og þegar þau dóu fékk Kalla máttinn. Einn góðan sumardag þegar sólin skein yfir alla borgina lá Kalla í rúminu sínu þegar síminn hringdi. Það var útkall frá konu. Ég verð að fara og bjarga þessari konu, hugsaði Kalla. Hún fór í búninginn sinn og hljóp af stað. Þá fattaði hún að hún hafði gleymt einhverju. Ó nei! Hún gleymdi grímunni og sprittbyssunni. Hún hljóp til baka og skaust aftur af stað. Þegar Kalla var komin á staðinn sá hún fína konu uppi í glugga sem kallaði á hjálp. Þetta er hún, hugsaði Kalla. Risa Covid-19 veira var að reyna að brjóta húsið til að ná konunni og smita hana. Þá flaug Kalla að og sprittaði hana alla. Síðan tók Kalla konuna og hljóp með hana í burtu. Þá byrjaði kórónavírusinn að minnka og varð bara að grænni klessu. Köllu fannst þetta ógeðslegt. Oj, hugsaði hún, henni var orðið hálf flökurt af þessu. Kalla var alveg búin á því þegar hún hafði bjargað konunni og var komin heim. En þegar hún var búin að hvíla sig í pínustund kom annað útkall. Það var lítið barn sem var í vanda. Kalla var alveg miður sín þegar hún frétti þetta. Hún hljóp af stað. Á leiðinni rakst hún