RISAstórar smáSÖGUR 2019

27 Gyllta fiðrildið Í litlu húsi sat gyllt fiðrildi í skartgripaskríni. Á hvorum væng voru tveir demantar. Nótt eina brotnuðu vængirnir af fiðrildinu í fjórum brotum, hvert með sínum demanti. Brotin hófu sig á loft og flugu út um gluggann. Brotin flugu um himininn eins og fuglar og héldu hvert í sína áttina. Fyrsta brotið lenti með skelli á akri. Páll, gamli bóndinn á bænum, fór út að athuga hvað hefði gerst og tók upp brotið. Annað brotið lenti í kirkjugarði. Presturinn hafði verið á gangi þegar hann sá brotið lenda svo hann tók það upp og fór með það inn í kirkjuna. Þriðja brotið braust með látum inn um gluggann á íbúð Sigurðar og það fjórða lenti í bakgarðinum hjá Önnu þar sem hún fann það. Líf þeirra allra átti eftir að taka breytingum. Allt gekk sómasamlega hjá Páli bónda. Sjónvarpið, sem hafði verið bilað í tvo mánuði, virkaði allt í einu. Og beikonið, sem hann brenndi alltaf, varð nú stökkt og gott. Það sama mátti ekki segja um kirkjuna. Í erfidrykkju rakst einhver í vatnskönnu og vatnið helltist yfir allar veitingarnar. Það var ekkert í samanburði við það sem gekk á hjá Önnu. Hún var að reyna að spila á rafmagnsgítarinn sinn þegar hún heyrði rödd. Kristján Nói Kristjánsson, 12 ára