58 EF ÞÚ ÆTTIR EINN SÉNS … Eftir að hafa kvatt hópinn halda PóGó og Tomasz heim á leið. Sólin er sest og það glittir í mánann á himninum. PóGó finnst hann undarlega hvítur og glóandi. Plánetan Poff hefur þrjú tungl sem öll eru jafn stór en ólík á litinn. Tímatal Poffara fylgir þessum þremur tunglum og er mjög ólíkt tímatali mannfólks. Þegar rauða tunglið er fullt tala Poffarar um að rauði drekinn sé á lofti. Tíu dögum seinna er gula tunglið fullt og því næst það græna. Hver dreki á sína tíu daga og þannig heldur það áfram, koll af kolli, án þess að íbúar plánetunnar fylgist með mánuðum eða árstíðum. Á leiðinni lítur PóGó sem snöggvast á spjaldið. Á skjánum blikkar niðurtalningin: Maginn í PóGó herpist saman. Það eru ekki nema tveir dagar þar til mannfólkinu verður útrýmt! Það er ekki öruggt fyrir geimveruna að vera enn á jörðu niðri þegar hreinsunin á sér stað. Hún hefur nú þegar smitast af mörgum mannlegum eiginleikum og ekki víst að hún lifi útrýminguna af. Brosin koma orðið ósjálfrátt, sem og hlátur og aðrar undarlegar tilfinningar. Það
RkJQdWJsaXNoZXIy MjIxNzc=