34 drengur sem líkist Sonju að næstum öllu leyti. Þau eru nokkurn veginn alveg eins, hugsar PóGó. Drengurinn stendur hins vegar ekki, heldur situr í undarlega útlítandi stól. Þegar við komum nær sér hún að stóllinn er á hjólum! Meira að segja stólarnir hafa dekk, hugsar PóGó og skilur ekkert í þráhyggju mannfólks fyrir dekkjum. PóGó ætlar að sækja sér gulan miða til þess að skrifa þetta hjá sér. Áður en geimveran nær að opna bakpokann hafa krakkarnir hins vegar séð hana og viðbrögðin láta ekki á sér standa. „Vó …“ segir drengurinn sem lítur út eins og Sonja. „Ert þú þessi … PóGó?“ spyr hinn krakkinn sem skynjarinn hefur enn ekki náð að kyngreina. Adam tekur að sér að kynna hópinn. Orðin sullast út úr honum á ógnarhraða. Fyrst bendir hann á drenginn í stólnum. „Sko, þetta er Sindri, hann á risasafn af Pokémonspjöldum og tvo upprunalega Alakazam. Ég hef oft beðið hann að bítta en hann vill það ekki.“ Adam snýr sér að rauðhærða krakkanum. „Þetta er Mars en ég veit ekki hvort hán safnar Pokémonspjöldum. Við höfum aldrei rætt það. Hán elskar
RkJQdWJsaXNoZXIy MjIxNzc=