| 40345 | MIÐSTÖÐ MENNTUNAR OG SKÓLAÞJÓNUSTU 2024 | 34 | Í reglugerð um öryggi leikvallatækja og leiksvæða og eftirlit með þeim nr. 942/2002 kemur fram að: • Fylgja þarf leiðbeiningum framleiðenda um viðhald á leikvallatækjum. • Rekstraraðili er ábyrgur fyrir því að framkvæma reglubundið eftirlit með leikvallatækjum. • Innra eftirlit skal framkvæma samkvæmt gátlista og í því skal vera slysaskráning. Í innra eftirlitinu þarf að tilgreina til hvaða úrbóta skal grípa þegar frávik verða á ákvæðum reglugerðarinnar og hvenær úrbótum er lokið. Mælt er með að innra eftirlit sé hluti af gæðahandbók. • Ábyrgðaraðili innra eftirlits gerir rekstraraðila viðvart um það sem aflaga fer og bendir á nauðsynlegar úrbætur. Rekstraraðili gerir nauðsynlegar úrbætur eða tekur leikvallatæki úr notkun. Á heimasíðu Umhverfisstofnunar má finna upplýsingar og handbækur um skoðun leiksvæða og leikvallatækja. Þar eru einnig tillögur að gátlistum fyrir reglubundið eftirlit með leikvallatækjum. Eiturefnalaus leikskóli Umhverfi okkar inniheldur mun fleiri efni (kemísk efni) en nokkru sinni áður. Við komumst í snertingu við þau hvar sem við erum. Rannsóknir sýna að börn eru útsett fyrir svipuðum efnum í leikskólanum, inni á heimilinu og í umhverfi þess. Þetta er áhyggjuefni þegar litið er til þess hversu miklum tíma mörg börn verja í leikskólanum. Í Aðalnámskrá leikskóla segir: „Námsumhverfi leikskóla á að vera eins eiturefnalaust og unnt er, þar með talið; efniviður, fæði og hreinsiefni.“ Í viðauka er að finna gátlista sem auðvelt er að fara eftir fyrir fasa 1 og 2.
RkJQdWJsaXNoZXIy MjIxNzc=