45 10 Áhugavert lesefni og viðaukar 10.1 Áhugavert lesefni Handbók um einelti og vináttufærni – forvarnir og viðbrögð. Útgefin af Heimili og skóla í nóvember 2017. Skv. fréttatilkynningu Heimilis og skóla í kjölfar útgáfu handbókarinnar segir að henni sé ætlað að verða viðbót við fyrri útgáfu bæklings um einelti sem Heimili og skóli gáfu út 2009. Megináhersla handbókarinnar er á forvarnir, fróðleik og hagnýt ráð. Handbókin hentar foreldrum, fagfólki sem vinnur með börnum sem og börnunum sjálfum. Heilsueflandi grunnskóli. er verkefni á vegum Embættis landlæknis. Heilbrigði og velferð er einn af sex grunnþáttum menntunar og þá tttaka í Heilsueflandi grunnskóla styður í að innleiða þennan grunnþátt í öllu sínu starfi. Heilsueflandi grunnskóla er ætlað að styðja skóla í að vinna markvisst að heilsueflingu í starfi sínu. Í því felst að skipa skólaumhverfi sem stuðlar að andlegri, líkamlegri og félagslegri heilsu og vellíðan nemenda og starfsfólks í samvinnu við heimili og nærsamfélag. Ofbeldi gegn börnum, hlutverk skóla. Höfundar: Guðrún Kristinsdóttir og Nanna Kristín Christiansen. Ofbeldi á heimili með augum barna er framlag til rannsókna á heimilisofbeldi, vanrækslu og misbeitingu gagnvart börnum og mæðrum og jafnframt innlegg í baráttu gegn þessu alvarlega þjóðfélagsmeini, eins og segir á bakhlið bókarkápunnar. Bókin byggir á rannsókinni „Þekking barna á ofbeldi á heimilum“ sem unnin var hér á landi á árunum 2006-2013. Ritstjóri bókarinnar er Guðrún Kristinsdóttir auk hennar voru í rannsóknarhópnum Ingibjörg H. Harðardóttir, Margrét Ólafsdóttir, Margrét Sveinsdóttir, Nanna Þ. Andrésdóttir og Steinunn Gestsdóttir. Umfjöllun um báðar bækurnar má sjá hér á vefsíðu Krítarinnar. Staðreyndablað Embætti landlæknis. „Hvað virkar í tóbaks-, áfengis- og vímuvörnum í skólum“. Vernd barna gegn ofbeldi er fræðsluefni Barnaheilla um vernd barna gegn ofbeldi. Vinátta er forvarnaverkefni Barnaheilla gegn einelti ætlað leikskólum, fyrstu bekkjum grunnskóla og dagforeldrum. Verkefnið flest í útgáfu námsefnis sem ætlað er börnum, foreldrum þeirra og starfsfólki. Viðmið um skjánotkun barna og ungmenna. Embætti landlæknis, umboðsmaður barna, Barnaheill, Heilsugæslan, Heimili og skóli og SAFT hafa gefið út viðmið um skjánotkun barna og ungmenna. Viðmiðin eru gefin út til stuðnings foreldrum við að stuðla að jákvæðri og uppbyggilegri umgengni við tækni, tölvur og snjalltæki og eru skjáviðmiðin gefin út fyrir aldursbilin 0-5 ára, 6-12 ára og 13-18 ára. 10.2 Viðaukar Viðaukar sem fara hér á eftir eru hugsaðir sem tillaga eða grunnur að vinnuferlum skóla, skráningarblöðum eða spurningalistum. Hver skóli vinnur sína eigin vinnuferla, skráningarblöð og spurningalista út frá þörfum skólans og þeim aðstæðum sem ríkja í umhverfi hans.
RkJQdWJsaXNoZXIy MjIxNzc=