Orðspor 3 - vinnubók

9 1. KAFLI Fornöfn Fornöfn er einn orðflokkur innan fallorða. Fornöfn skiptast síðan í nokkra undirflokka. Flókið? Skoðum aðeins þessa skýringarmynd FALLORÐ Orðflokkar sem teljast til fallorða eiga það sameiginlegt að við getum fallbeygt orðin í nefnifalli, þolfalli, þágufalli og eignarfalli Nafnorð Lýsingarorð Fornöfn Töluorð Greinir Fornöfnin skiptast niður í sex undirflokka. Þeir heita: Persónufornöfn, eignarfornöfn, spurnarfornöfn, ábendingarfornöfn, afturbeygð fornöfn og óákveðin fornöfn. Í þessari bók ætlum við að kynna okkur betur undirflokkana: Persónufornöfn og eignarfornöfn Persónufornöfn Persónufornöfn eru notuð í stað nafnorða til að forðast endurtekningar. Í stað þess að segja: Kisan getur stokkið hátt. Kisan stökk í gær upp á ruslatunnugeymsluna sem er þriggja metra há. Kisunni finnst gott að fá vatn að drekka þegar kisan er þyrst en nágranninn er alltaf að gefa kisunni rjóma. Er liprara að segja: Kisan getur stokkið hátt. Hún stökk í gær upp á ruslatunnugeymsluna sem er þriggja metra há. Henni finnst gott að fá vatn að drekka þegar hún er þyrst en nágranninn er alltaf að gefa henni rjóma.