6. KAFLI 91 Skoðið dæmin á opnunni. Ræðið og rýnið. • Skoðið hvernig Matti breytir um stíl eftir því hverjum hann skrifar. Hvað er það sem breytist helst milli texta? • Berið saman talmál og ritmál hjá Nínu og Matta. Hvenær er lítill munur milli stíla? Takið þið eftir einhverju sem er einkennandi fyrir talmál eða ritmál? Hvenær er málið formlegt og hvenær óformlegt? Kæri skólastjóri, Ég sendi þér þetta bréf í þeirri von að vekja þig og þitt starfsfólk til umhugsunar um hvaða áhrif heimanám hefur á líf mitt. Þannig er að ég hef mörg áhugamál sem ég þarf að sinna, helst á hverjum degi. Heimanám er ekki þar á meðal en það tekur hins vegar frá mér mjög mikilvægan tíma sem ekki verður endurheimtur. Ég óska hér með eftir breytingum á heimanámi mínu. Gott væri ef það yrði minnkað verulega en besta mögulega útkoma væri að það hyrfi alveg. Með von um skjót viðbrögð, kveðja, Matthías Matti bloggar: Heimanám dauðans Nú get ég ekki orða bundist lengur. Ég hreinlega verð að segja nokkur vel valin orð um heimanám. Og ég fullyrði að ég tala fyrir hönd allra unglinga á Íslandi þegar ég segi: Heimanám er að rústa félagslífi mínu! Unglingar í dag eru orðnir þrælar námsins. Sitja við lærdóm alla daga frá morgni til kvölds. Og til hvers? Mun ég nokkurn tíma fá þennan tíma til baka? Græði ég eitthvað á þessu? Nei, ég tapa. Ég missi af æfingum, dagskrá í félagsmiðstöðinni, sjoppuferðum og hangsi á körfuboltavellinum. Ég næ ekki að leggja mig á daginn og missi tölvutíma reglulega, allt út af heimanámi. Er ekki nóg komið? Ég bara spyr … vinnubók bls. 79
RkJQdWJsaXNoZXIy MjIxNzc=