ORÐSPOR 3 54 Ísland, gamla Ísland Ísland, gamla Ísland Fjallkonan eins og hún var kynnt í enskri þýðingu á íslenskum þjóðsögum. Fjallkonan í dag klæðist íslenskum skautbúning. Fjallkonan Á 18. og 19. öld tóku margar þjóðir upp á því að útbúa táknmynd fyrir landið sitt í líki konu. Táknmyndin er komin frá rómantísku hugmyndinni um móður jörð. Fyrsta hugmynd um konu sem tákn fyrir Ísland kom fram árið 1752. Fyrirmyndin að þeirri táknmynd var Lovísa, sem var drottning í Danmörku á 18. öld. Í kvæði Bjarna Thorarensens Eldgamla Ísafold kemur fyrir nýyrðið Fjallkona. Það heiti festist við kvenlega táknið fyrir Ísland og er það heiti sem við notum enn í dag. Eldgamla Ísafold, ástkæra fósturmold, fjallkonan fríð … Í enskri þýðingu á íslenskum þjóðsögum er að finna mynd sem sýnir Fjallkonuna. Hún situr á steini, með sverð í slíðrum og hrafn á öxlinni. Á höfði ber hún kórónu með ísnálum og eldtungum. Bakgrunnurinn er svört nóttin, fjallasýn og mávur. Við fætur hennar liggja bókrollur með rúnaletri sem fræðimenn líta á sem tákn um að Íslendingar eru söguþjóð með mikinn bókmenntaarf.
RkJQdWJsaXNoZXIy MjIxNzc=