Orðspor 1

6. KAFLI 87 Klapparstígur Hún samþykkir ekki að stjörnurnar séu hnettir vill að þær séu litlar ljósaperur í snúrum sem einhver hefur hengt í nýmálað loftið og hana langar svo mikið að finna rofann svo hún geti laumast til þess að kveikja á nokkrum týrum þegar henni er mjög illt. Sigurbjörg Þrastardóttir Hér hefur skáldið ákveðið að sleppa öllum greinarmerkjum. Þess vegna verður þessi málsgrein heldur löng. Hvernig væri hægt að skrifa sama texta í þremur málsgreinum? 1. apríl Marsbúinn Andri Snær Magnason Punktur, spurningarmerki og upphrópunarmerki eru allt greinarmerki sem gefa okkur til kynna að málsgreininni sé lokið. Ef önnur málsgrein kemur á eftir . ? eða ! þarf að byrja á því að skrifa stóran staf í upphafi málsgreinarinnar, eins og alltaf. Greinarmerki eru hálfgerð lestrarmerki, því þau gefa okkur upplýsingar um það hvar skal hafa hik eða smá bið í lestri. Gott er að stoppa og draga inn andann þegar . ? eða ! kemur áður en lesið er áfram. Þá hafið þið það, mínir kæru, og hér set ég punktinn. Er þetta ekki eitthvert orðagrín? Annars þekki ég einn Marsbúa og hann á afmæli í lok mars.