Orðspor 1

ORÐSPOR 50 Þetta er skjaldarmerki Íslands. Tilgangur þess er að vera nokkurs konar tákn fyrir Ísland. Skjaldarmerki hafa verið til frá riddaratímanum en þá voru þau nauðsynleg til að þekkja vini frá óvinum. Þeir sem báru eins skjaldarmerki á sínum herklæðum voru í sama liði. Ísland hefur átt nokkur skjaldarmerki. Einu sinni var t.d. merkið okkar mynd af fálka á bláum skildi og lengi vel var það útflattur saltfiskur á rauðum fleti. Skjaldarmerki okkar í dag var samþykkt árið 1944 þegar Ísland varð lýðveldi. Áður áttu Íslendingar svipað skjaldarmerki, nema það var kóróna ofan á fánanum til marks um að Ísland var undir veldi Dana. Á skjaldarmerkinu sérðu íslenska fánann og fjóra landvætti standa umhverfis hann. Undirlagið er stuðlabergshella . Til gamans má geta þess að á framhlið Alþingishússins á Austurvelli trónir kóróna og merki Kristjáns IX., sem var síðasti danski konungur okkar Íslendinga. Ef þið skoðið húsið nánar sjáið þið landvættina fjóra yfir gluggum á annarri hæð. Ísland, gamla Ísland Ísland, gamla Ísland