Orðspor 1

3. KAFLI 45 Latasta lífvera í heimi? 2. Veldu fimm orð úr textanum sem þú skilur ekki. Reyndu að giska á hvað orðin merkja. Til þess þarftu ef til vill að lesa textann í kringum orðið vel og vandlega. Að lokum skaltu skoða orðið í tölvuorðabók og sjá hvort þú hafðir rétt fyrir þér. Finndu fimm lykilorð og skrifaðu þau í skýin. 3. Settu þig í spor kennarans og búðu til fimm spurningar úr textanum sem þú valdir. Semdu – tvær krossaspurningar. – eina spurningu sem hægt er að svara með Já/Nei eða Rétt/Rangt. – tvær opnar spurningar þar sem skrifa þarf svarið. Letidýr eru spendýr sem er aðeins að finna í Suður og Mið-Ameríku. Þau eru sérkennileg útlits og smá vexti. Til eru tvær tegundir letidýra. Annars vegar dýr sem eru með tvær tær á hverjum útlimi og hins vegar dýr með þrjár tær. Letidýr með tvær tær eru minni, yfirleitt um 4–5 kg en dýr sem hafa þrjár tær geta orðið allt að 8 kg. Letidýrin hafa langar klær, með þeim lengstu sem sjást í dýraríkinu. Þau nærast nær eingöngu á laufi og búa í trjám. Þar hanga þau allan daginn, borða og sofa. Langar klærnar auðvelda þeim að hanga á trjágreinunum. Letidýr hreyfa sig mjög hægt og bara þegar þau neyðast til þess. Þeim þykir líka gott að sofa og geta eytt í það allt að 18 klst. á sólahring. Letidýr hafa lengi byggt Jörðina en flestar tegundir þeirra eru nú útdauðar. Þær voru miklu stærri, sumar á stærð við fíl. Talið er að risaletidýrin hafi horfið af sjónarsviðinu þegar síðasta ísaldarskeiði lauk, fyrir um tíu þúsund árum. Letidýr eru lengi að melta fæðu. vinnubók bls. 38–39