| Orð eru ævintýri | Hugmyndabanki fyrir leikskóla | 2922 | MMS 2024 | 56 • Halda allir jól? • Áramót: Hvað eru áramót? Hvernig er haldið upp á áramótin? Fara börnin á áramótabrennur? Halda þau á stjörnuljósum? Er flugeldum skotið upp á þeirra heimili? • Þrettándinn: Hvað gerist á þrettándanum? Hvernig eru þrettándabrennur? Hvaða vættir eru á sveimi? Hafa börnin farið á þrettándabrennu? • Alltaf þarf að hafa í huga aldur og þroska barnanna þegar umræður fara fram. Leikir og sköpun • Börnin búa til jólakort. • Búið til sameiginlegt jóladagatal með athöfnum til að gera saman á hverjum degi. Í hverjum glugga er mynd af einu barni. Barnið sem er í glugganum fær þá að velja eitthvað í samveru þann daginn t.d. lag sem er sungið. Önnur aðferð er að hafa mynd af barni í glugga og þegar opnað er hefur verið skráð verkefni fyrir barnið að framkvæma. • Hljóðkerfisvitund: Hægt að búa til samsett orð og taka þau í sundur. Einnig að láta börnin klappa atkvæði. Leikið með orð eins og jóla-föt, jóla-sveinn, jóla-skraut, jólatré, jóla-matur, jóla-skór, jóla-gjöf, jóla-andi, jóla-ljós o.s.frv. Hægt er að tala við börnin um að finna orð sem byrja á jóla og enda á einhverju öðru. • Útbúa má samstæðuspil þar sem börnin þurfa að para saman orðið „jóla“ og orðin föt, sveinn, o.s.frv. Einnig má útbúa spil, tvö til fjögur af hverju orði og spila einskonar veiðimann. Spilararnir eru með fimm spil á hendi og sá yngsti byrjar. Hann spyr t.d. „áttu jóla-föt“ og þá verður mótspilarinn að afhenda sitt spil. Ef hann á ekki spilið segir hann „veiddu“ og sá sem „er hann“ þarf að draga spil úr bunkanum á borðinu. Sá vinnur sem er með flesta slagi. Tónlist • Jólalög og þulur: Fjölmörg jólalög eru til og á flestum leikskólum eru hefðir fyrir því hvaða jólalög eru sungin. • Vinna með Jólasveinavísur Jóhannesar úr Kötlum. Hægt er að finna margar hugmyndir um hvernig má vinna með vísurnar með því að leita á vefnum. Ítarefni Á vefsíðum Þjóðminjasafns og íslensk almanaks má lesa sér til um íslenskar jólahefðir. Setjið inn eftirfarandi leitarorð: • jólasveinarnir • jólakötturinn • gamlársdagur • þrettándinn. Á Læsisvefnum (sjá mms.is) má lesa um hljóðkerfisvitund
RkJQdWJsaXNoZXIy MjIxNzc=