| Orð eru ævintýri | Hugmyndabanki fyrir leikskóla | 2922 | MMS 2024 | 55 Jól, áramót, þrettándinn Áramót Þrettándinn Kötturinn Kúri hlakkar til jólanna. Þá skreytir fólk umhverfi sitt með fallegum ljósum. Kúra finnst einstaklega gaman að fylgjast með þegar kveikt er á jólaseríunum því þá verður allt svo ævintýralegt. Rétt fyrir jólin koma þrettán skeggjaðir jólasveinar til byggða í fylgd með ófrýnilegum foreldrum sínum. Og jólakötturinn er með í för, það veldur Kúra áhyggjum. Kúri er skíthræddur við jólaköttinn en börn virðast hafa gaman af jólasveinunum, enda gefa þeir krökkum í skóinn. Kúra er létt þegar hann heyrir kallað „gleðileg jól!“ því þá styttist í að jólasveinarnir haldi aftur til fjalla með köttinn sinn. Kúri heyrir hins vegar ekki þegar galað er „gleðilegt nýtt ár“. Um áramótin er haldin brenna og nýju árin fagnað. Þá er líka flugeldum skotið upp í himininn með miklum sprengjulátum sem Kúri kann illa við. En kötturinn kann ráð við því – hann á nefnilega mjög góð eyrnaskjól. Á þrettándanum er einnig tendrað bál. Þá dansa álfar, púkar og tröll í kringum bálköstinn og fólkið syngur með blys í hendi. • Getið þið nefnt nokkra jólasveina? • Hvernig haldið þið upp á áramótin? Hugmyndir að umræðum • Skoðið opnuna og talið um íslenska jólamenningu. Ræðið íslensku jólasveinana og hvað þeir heita. Talið um að þeir koma til byggða þrettán dögum fyrir jól og að það kemur einn í einu. • Hvað gerir jólakötturinn? Er jólakötturinn góður eða vondur? • Jólaundirbúningur, hvernig geta allir hjálpast að, hvað þarf að gera? • Jólasiðir fyrr og nú. Hvernig voru jólin undirbúin í gamla daga og hvernig eru þau undirbúin í dag?
RkJQdWJsaXNoZXIy MjIxNzc=