| Orð eru ævintýri | Hugmyndabanki fyrir leikskóla | 2922 | MMS 2024 | 38 Listasmiðja 27 26 Listasmiðja pappír nál og tvinni skrúfjárn sög hamar borvél spýtur lím málning reglustika litir hnykill skæri öryggisgleraugu penni yddari strokleður blýantur pensill nagli skrúfa málband málaratrönur svunta leir Það er fjörugt í listasmiðjunni í skólanum og þar ríkir mikil einbeiting. Börnin eru að skapa litskrúðug listaverk með leir, trélitum, skærum, lími, málningu, garni og prjónum, nál og tvinna. Kúri tekur fullan þátt í að mála með loppunum en svo berast forvitnileg hljóð úr smíðakróknum. Hvað ætli það sé? Þá koma litrík spor Kúra upp um hann. Getið þið rakið slóð Kúra? Smíðakennarinn klappar honum á kollinn og lætur hann út áður en illa fer. • Hvað finnst ykkur gaman að búa til? • Af hverju ætli Kúri megi ekki vera í listasmiðjunni? Hugmyndir að umræðum • Ræðið um opnuna og myndirnar sem raðast í kringum stóru myndirnar. Hvað heita þær og hvernig eru þær notaðar? • Talið um umgengni við verkfæri og áhöld. • Hvað heita verkfærin sem við notum í listasmiðju, smíðum, textíl. Hvernig notum við þessi verkfæri? • Hvenær notum við ákveðin áhöld eða verkfæri? • Hvernig væri ef við hefðum ekki aðgang að ákveðnum verkfærum eða áhöldum? Eru þau nauðsynleg? Af hverju og af hverju ekki? • Eru einhver verkfæri eða áhöld sem þið hafið prófað eða ekki prófað? • Eru einhver verkfæri hættuleg? • Af hverju má Kúri ekki vera með í skólanum? • Munið að gefa börnunum tíma til að svara þegar umræður fara fram. Notið leiðir svo aðeins einn svari í einu t.d. að láta þann sem talar halda á hlut. Gefið öllum börnum tækifæri til að tjá sig, líka þeim sem draga sig í hlé.
RkJQdWJsaXNoZXIy MjIxNzc=