| Orð eru ævintýri | Hugmyndabanki fyrir leikskóla | 2922 | MMS 2024 | 36 Í skólanum Kötturinn Kúri gægist stundum inn um glugga á leikskólanum. Þar er alltaf mikið fjör og margt um að vera. Í dag eru krakkarnir að leika sér með alls konar dót og klæða sig í búninga. Sum barnanna hafa eignast vin eða vinkonu og nokkur þeirra eru í hvíld. Þau slaka á og hlusta á góða sögu. Kúra langar að vera með. Hann læðist því inn í skólabygginguna án þess að nokkur kennari sjái til og rambar inn í skólastofu. Þar eru sum börnin að reikna og teikna á töfluna en önnur bíða í röð eftir að lesa fyrir kennarann. Kúri er hins vegar áhugasamari um krakkana sem eru að spila alls konar spil. • Hvað finnst þér skemmtilegast að gera í leikskólanum/skólanum? • Hvað eru krakkarnir á myndinni að gera? Hugmyndir að umræðum • Leikskóli: Hvað gerum við í leikskóla? Í leikskólanum förum við út á leikskólalóðina í útiveru, þar eru deildir, krakkar fara í samveru, leika sér saman, eignast vini, fara í listasmiðju eða fara í matsal. • Grunnskóli: Hvað gerum við í grunnskóla? Í grunnskóla fáum við skólabækur, notum skólatösku, förum á skólalóðina, í frímínútur, eignumst bekkjasystkini, erum í allskonar skólastofum o.fl. • Leikskóli og grunnskóli. Hver er munurinn? • Hvernig komum við í skólann? Hver kemur með okkur og hver sækir okkur? • Af hverju erum við í skóla? • Hvert er hlutverk kennara?
RkJQdWJsaXNoZXIy MjIxNzc=