Ofbeldi gegn börnum

45 AÐ GREINA MILLI EINELTIS OG ANNARRA AÐSTÆÐNA 4.4 Eins og áður hefur komið fram snýst það að skilja einelti um fleira en að greina þá sem leggja í einelti og þá sem fyrir því verða. Það snýst um að greina mynstrið í hópnum, að líta á innbyrðis samskipti nemenda og stöðu þeirra. Einelti varðar allan hópinn og baráttan við einelti í skólanum fjallar að miklu leyti um að breyta samskiptum nemenda. Einelti snýst með öðrum orðum ekki um viðkvæma nemendur heldur um nemendur sem eru gerðir viðkvæmir í samfélaginu sem þeir tilheyra. Dæmi um hættumerki í hópum er þegar: • stríðnin er ekki skemmtileg • erfitt er að finna lausnir á ágreiningsmálum • einhverjir eru skipulega útilokaðir • öryggi skortir í hópnum og ekkert jákvætt sameinar hann • umburðarlyndi er takmarkað • samkennd er ekki til staðar • ójafnvægi er í félagslegri stöðu innan hópsins • einmana nemendur eru í hópnum. Myndin hér fyrir neðan sýnir mörkin milli venjulegra daglegra samskipta (ysti hringur); aðstæðna sem líkjast einelti (miðhringur); yfir í eineltistilvik (innsti hringur). Verklagsreglur (eineltisáætlun) skóla ætti að virkja áður en samskipti nemenda hafa þróast yfir í miðhringinn. Dagleg minniháttar átök – einstök tilvik. Tilvik sem líkjast einelti, óljóst hvort tiltekin börn eru lögð í einelti en óöryggi, valdaójafnvægi, spenna og stigveldisröðun (yfirráð ákveðinna) er í gangi meðal nemenda. Einelti liggur fyrir. Einn eða fleiri eru útilokaður úr hópnum. Regluleg tilvik beinast að sama nemanda eða sömu nemendum. Heimild: (Dansk center for undervisningsmiljø, 2021)

RkJQdWJsaXNoZXIy MjIxNzc=