Norðurlönd

15 Freðmýri eða túndra er gróðurbelti þar sem frost fer aldrei úr jörðu er nyrst í Evrópu. Þar er hiti of lágur og vaxtartími of stuttur til að tré geti dafnað. Á túndru vaxa lágvaxnar jurtir eins og víðir, fjalldrapi, grös, mosi og fleira. Evrópa skiptist líka í gróðurbelti eftir því hvaða gróður einkennir landsvæðið. Nyrst í tempraða beltinu er barr- skógabeltið. Það er nefnt eftir barrtrjánum sem ein- kenna gróðurfarið. Sunnan við barrskógabeltið tekur laufskógabeltið við en í dag er víða búið að fella lauftrén og rækta landið. Laufskógabeltið er aðallega í Suður-Svíþjóð og Dan- mörku en þó má finna skóga þar sem eru bæði barrtré og lauftré. Víða er þéttbýlt þar sem áður voru laufskógar og þar hentar jarðvegur vel til landbúnaðar. Til fjalla í tempraða beltinu er víða háfjallagróður. Hann einkennist af gróðurlitlum auðnum í hæstu fjöllum en eftir því sem neðar dregur eykst gróðurinn og þar vaxa grös, blóm, lyng og víðirunnar uns komið er niður í laufskógana. Gróðurbelti Gróðurfar ræðst af loftslagi, jarðvegi og landslagi á hverjum stað. • Hvernig gróður er algengastur þar sem þú átt heima? • Skráðu hjá þér veðurupplýsingar fyrir eina viku. Athugaðu hitann, skráðu skýjafar og vind. Þú getur notað veðurvefi til að auðvelda þér vinnuna (t.d. www.vedur.is ). Sveitabær á Fjóni í Danmörku.