Neistar

55 Hugsa minna – dansa meira Til er annars konar ritun sem snýst um flæði og að rannsaka þitt eigið sálar- og vitsmunalíf – kynnast því hvað býr innra með þér. Þess konar ritun notum við til að skrifa dagbókarfærslur, ljóð, smásögur, skáldsögur, leikrit, handrit, ræður, bréf – þar leyfum við öllu að flæða fram sem kemur upp í hugann. Frjálst sköpunarferli er afar öflugt og með því hafa öll helstu listaverk heimsins orðið til – þegar skaparinn setur sjálfan sig og hugmyndir sínar til hliðar og leyfir snilldinni að flæða fram. Í skapandi vinnu getur nefnilega verið verra að hugsa of mikið. Í jarðbundnari ritun, t.d. þegar skrifað er verkefni eða ritgerð, er hægt að beita þessu ferli líka. Þá leggst þú fyrst í efnið, kynnir þér heimildir og safnar að þér alls konar efnivið, og svo hefst hin skapandi vinna. Útlit texta Textar eru ólíkir að útliti, allt eftir eðli þeirra. Þú veist auðvitað hvernig hefðbundin blaðsíða í miðri skáldsögu lítur út – það er þéttur texti yfir alla síðuna. Þú þekkir líka hvernig frétt í blaði lítur út: Fyrirsögn undirfyrirsögn Efnisgreinar eru textinn á milli greinaskila og getur náð allt frá örfáum málsgreinum upp í fjölmargar. Efnisgrein fjallar um ákveðið efni og þegar skipt er um umræðuefni eða áherslu hefst ný efnisgrein og þá þarf að gæta að greinaskilum. eða svona: ________ ______________ ____________ ___ _______ _ _____ ___________ __ _____ ___ ___ ___ ______. ___________ ___ _ __________ __________ _______ __ _______ ____ __ _____ _____. __ __ __________ ___ _______ _____ __ __ __________. ___________ ___ _ __________ __________.