Neistar

30 4. Bla bla og ble ble Spjallið saman í þriggja til fjögurra manna hópi og takið upp samtalið. Til að samtalið verði sem eðlilegast er hægt að velja ákveðið atvik til að ræða, t.d. uppákomu í skólanum, frétt af netinu eða hvaðeina sem kemur ykkur af stað. Skráið spjallið síðan niður orð fyrir orð með öllum hikorðum, slangri, slettum og pásum sem í því leynast. • Hvað einkennir samtalið? • Greinið það í þessa flokka: nafnorð, sagnorð, lýsingarorð, hikorð, áhersluorð, upphrópanir, önnur orð. Athugið að nú þurfið þið að greina slangur og slettur í réttan orðflokk (ef þið notið slík orð). • Teljið endurtekningar, mismæli og hversu oft setningum er ólokið. Hvað kemur í ljós? Hvaða orð notið þið helst? Er einhver flokkur eða flokkar algengari en aðrir? Af hverju ætli það sé? 3. „Útfríkað æfintýr“ Hér er ljóð eftir Megas sem þó varð aldrei að söng- texta. Lesið hann vel yfir og flokkið orðin í slangur og slettur, nafnorð, sagnorð, lýsingarorð, óbeygjanleg orð og önnur orð . Athugið að sum orð geta fallið í tvo flokka. Í hvaða flokk fara flest orðin? En fæst? ÚTFRÍKAÐ ÆFINTÝR Bíddu ögn Lísa bráðum verður allri bölvun af lífi okkar létt syngjandi göngum við sólinni bökuð og sóðal er notalegt pleis og pólitískt rétt Lísa hefurðu í lífinu annað eins litið augum dress? löngum hafa léttvæg gagnsæ klæði haft liðkandi áhrif á stress tvo tvöfalda af kamparí koma sér í kósí pleis og vera hress En dæmið gekk ekki upp – allur skarinn jú orðalaust flaug inn – hvað með mig? við lísa í altöffasta tauinu ónei tuddi í úniformi mátti til með að viðra sig (kór) Þú hefur nú dæmt láttu dómsorð einnig fylgja datt uppúr mér hann skildi ekki tungu slíka ég mér og lísu lengst niðrúr gólfinu það læddist glott á hvert feis sumir hlógu líka (kór) Sannað er það sem sanna skyldi – nema hvað sanngirni heims er einstök allsengu lík sem slík það kemur allt í einn stað og þunglega niður eitt sinn frík – ávalt frík (kór) Megas