Neistar

164 Ljóðin auglýsa merkingu – og auglýsa eftir lesanda Eftirfarandi fjögur ljóð byggja á orðræðu auglýs- inga, einkum smáauglýsinga. Slík orðræða lýtur ákveðnum lögmálum – geturðu komið auga á þau? Einkamálaauglýsing/sniðugar tækifærisgjafir Karlmenn óskast – helst einn á dag (já og snjóbretti – má vera notað) hjarta – þarfnast viðgerða þó enn barmafullt af trú, von og kærleika fæst gefins á sama stað gegn því að verða sótt Heiða Dögg Liljudóttir SMÁ – auglýsing Framtíð tapaðist í ferð til tunglsins. Finnandi vinsamlegast skili henni í næsta kjarnorkuver. Fundarlaun. Sigurbjörg G. Friðriksdóttir Smáauglýsing Keypt og selt. Maður án andlits óskar eftir andliti til kaups til að geta haldið fési. Nafnleynd heitið ef þess er óskað. Enginn Allslausson. (síminn minn er týndur) Hjörtur Sólrúnarson Smáauglýsing II Til sölu. Nafnlaus hestur til sölu. Hefur riðið í gegnum eyðimörk. Tilboð óskast. Hjörtur Sólrúnarson 7. Ljóð breytast í sögur Taktu eitthvert ljóðanna hér að framan og breyttu efni þess í stutta sögu, brandara eða frásögn úr daglegu lífi.