Neistar

Ég er að elska þig Ég er ekki að skilja hvað í mér ég finn er þó að gruna þetta um sinn: að þú sért að melda þig mjög hjá mér inn. Mér er að lítast á þig. Saman við erum að taka loks tal að trúa því naumast ég vera að skal en ég er að játa að ég á ei val: ég er að kunna við þig. Já, eitthvað er farið að fara af stað að finna það er ég, en veit ekki hvað, Þó er ég mikið að meina það að mig sé að langa í þig. ég er að vera að vera þér hjá og vera að faðma þig, hjala og kjá. er ég loks að fatta hvað ég er að spá: ég er að elska þig. Við erum að ganga um gæfunnar brú, goðinn að vígja okkur saman er nú. Við jarðarmen ertu að játast mér, frú, og ég er að eiga þig. Við erum að ganga um ævinnar braut og erum að lifa í gleði og þraut. Við erum að líða um aldanna skaut. Ég er ekki að skilja – við þig. 153