Neistar

141 4. Áhrifslausar sagnir Sagnirnar vera, verða, heita og þykja eru áhrifslausar. Semdu tvær ólíkar setningar um hverja þeirra og kannaðu hvort reglan um þær standist ekki í öllum tilfellum. 5. Áhrifssagnir og áhrifslausar sagnir Greindu sagnirnar í textanum í áhrifssagnir og áhrifslausar: Mummi er tólf ára borgarbarn. Hann kynnist ævisagnaritara sem fær áhuga á að skrá sögu hans. Árangurinn af því samstarfi verður þessi óvenjulega „ævisaga“, bráðskemmtileg frásögn af Reykjavíkurpilti sem býr einn með móður sinni. Margt er hverfult í lífi hinna fullorðnu og erfitt fyrir ungan pilt að átta sig á þeim lögmálum sem þar ráða. En Mummi er svo heppinn að kynnast hestamanni sem fær mætur á honum. Hestamennskan verður honum ástríða og uppspretta ævintýra. Þar öðlast hann líka vináttu sem reynist honum afar dýrmæt. Hvað gerirðu þegar þú gleðst? Hvaða sagnorð nær að lýsa því best? Eru þau fleiri en eitt? Hvaða sagnorð lýsir best viðbrögðum þínum þegar þú missir af einhverju sem þig langar að taka þátt í, hvað gerirðu þá? Nokkrar áhrifssagnir geta haft áhrif á fall tveggja orða í einu: Ég gef honum (þgf.) bók (þf.). Þau bjóða gestunum (þgf.) fisk (þf.).