Neistar

130 9. Hin fullkomna saga • Hvernig er hin fullkomna saga að þínu mati? • Hver er uppáhalds sagan þín? • Hvað er það við söguna sem heillar þig? • Hvaða persóna í sögunni höfðar mest til þín og hvers vegna? 10. Smásaga eftir uppskrift Nú skaltu skrifa eina smásögu og nota tillögurnar sem fjallað var um hér að framan. 11. Smá smásaga Svaraðu þessum spurningum – í nákvæmlega þessari röð – í heilum málsgreinum og í eins ítarlegu máli og þú getur. Gættu líka að sam- henginu. Þegar þú hefur lokið við að svara öllum spurningunum ætti svo sem eins og ein smásaga að hafa litið dagsins ljós. Dæmi: Þegar þú tókst þá ákvörðun að yfirgefa geimskipið þitt, hversu langt gekkstu? Eftir að hafa setið í myrkrinu í að mér fannst heila viku, ákvað ég að yfirgefa geimskipið. Ég gekk þar til birti og þá hafði ég gengið framhjá þremur sofandi þorpum og jafnmörgum sveitabæjum. 1. Hvað hefurðu verið lengi á þessari plánetu? 2. Af hverju fórstu þangað? 3. Lýstu þessum tveimur persónum sem eru með þér. 4. Af hverju er geimskipið þitt skemmt? 5. Þegar þú tókst þá ákvörðun að yfirgefa geim- skipið þitt, hversu langt gekkstu? 6. Hverju varstu að leita eftir? 7. Hvenær áttaðir þú þig á því að einhver væri að elta þig? 8. Lýstu verunni. 9. Þegar þú varst að hlaupa frá henni, þá hras- aðir þú og féllst. Hvað gerðist? 10. Hver er hinn óvænti endir á þessari frásögn þinni? 12. Útburðurinn • Skráðu niður allar persónur sem eru kynntar til sögunnar. • Hvaða upplýsingar færðu um persónurnar í textanum? • Hvaða álit hefurðu á þessum ólíku sögu- persónum? Hvað fær þig til að mynda þér þá skoðun? • Haltu áfram með textann og skrifaðu tvær efnisgreinar (eða fleiri) til viðbótar.