Neistar

129 Láttu mér líka vel við þig Áhorfendur verða líka að tengja við og kunna að meta persón- urnar til að þær verðskuldi athygli. Bæði litli ljóti andarunginn og Rocky þola skin og skúrir í leit sinni að takmarki sínu; áhorf- endur finna til með þeim. Heillaðu mig og veittu mér gleði Heillaðu og gleddu áhorfendur. Láttu þá gleyma sjálfum sér, þótt það vari aðeins í skamma stund. Það er dásamlegt augnablik þegar litli ljóti andarunginn umbreytist í fallegan svan og fær samþykki jafningja sinna. Þegar Logi geimgengill eyðileggur Dauðastjörnuna í Stjörnustríði upplifa áhorfendur raunveru- legan létti og tilfinningalegt uppgjör. 8. Smáauglýsing verður örsaga Veldu eina af þessum smáauglýsingum og semdu örsögu (70–100 orð) út frá efni hennar. Vottorð Ég undirrituð, votta hér með að Auður Aðalsteinsdóttir vann hjá mér Föstudagskvöldið þann 10/9- 43 á veitingasölunni »Svanurinn« til kl. 11,30. Stefanía Sigfúsdóttir Fróðasundi 4. Ak. Alþýðumaðurinn 13. árg. 1943, 35.tbl bls. 4 Fundnir munir Undirritaður hefur fundið á síðastliðnu sumri, silfurbúna tönn á veginum frá Laxnesi að Helgafelli í Mosfellssveit. Einnig hef jeg hirt gamla regnkápu á grindunum við hús mitt. Rjettir eigendur geta vitjað þessara muna til Jónasar Jónssonar, Klapparstíg 3 Reykjavík. Auglýsarinn 19. janúar 1902 bls. 7 Áflog. Tvær rosknar heiðurskonur urðu fyrir skömmu að sögn saupsáttar á Barðaströndinni; loks létu þær hendur skifta, og lauk svo þeirra viðskiftum, að sú sem hafði yfirhöndina viðbeinsbraut hina. Sú sem fyrir meiðslinu varð var um áttrætt. Fjallkonan 16. árg. 1899, 9.tbl bls. 34 Skilaðu sjalinu, sem þú fannst í Grjótagötu nú þegar, til útg, þessa blaðs. Annars færðu bráðlega óþægilega heimsókn! Auglýsarinn 9. mars 1902 bls. 9