Neistar

1. Handan hæðanna, við enda regnbogans 1. Hvernig tónn er í texta þessarar sögu? Er hann t.d. lifandi og opinn eða formlegur og lokaður? 2. En hvernig er stemmningin? Hvað er það í sögunni sem skapar hana? Er það efnið, orðavalið eða eitthvað annað? 3. Hver er sögumaður í þessari frásögn og hvað einkennir hann? 4. Í smásögu skiptir hvert orð töluverðu máli – munum að höfundur velur alltaf eitt orð umfram annað. Skoðaðu t.d. orðin „síðasta sandkornið í tímaglasi lífsins“. Þetta er stór og kraftmikil líking. Hvað á höfundur við? 5. „Stofan lyktaði af elli og menningu“ segir í sögunni. Hvað á höfundur við? Hvernig er slík lykt? Hvernig lykt er inni í kennslustofun- um þínum? Er ólík lykt eftir námsgreinum? Var það með vilja gert hjá höfundi að láta söguna gerast í íslenskustofunni? 6. Á einum stað í textanum færist frásögnin úr þátíð yfir í nútíð. Finndu staðinn og veltu því fyrir þér af hverju höfundur fer þessa leið. Hvaða áhrif hefur þessi stílbreyting? 7. Hvers vegna eru skólagangarnir myrkir ef sagan gerist að vori? 8. Skoðaðu öll lýsingarorð í sögunni. Hvað einkennir þau? 9. Gæti sagan borið annan titil? Komdu með nokkrar tillögur. 10. Skrifaðu stuttan texta út frá sjónarhorni einhvers sem kemur í skólann og finnur konuna. 2. Sögustund Setjist í hring. Bekkurinn á að semja örsögu í sameiningu. Hér er upphafið og síðan haldið þið áfram þannig að hver nemandi segir eina málsgrein og sögunni lýkur þegar sá síðasti í hringnum hefur lokið sér af. Stúlkan vaknaði á sjúkrahúsi um miðja nótt og hafði ekki hugmynd um hvernig hún endaði þar. Seinni sagan sem við skoðum er örlítið flóknari í uppbyggingu. 119