66 Náttúrulega 3 │ 3. kafli HREYFIORKUFORMIN Geislunarorka er orkan sem að býr í hreyfingum rafsegulbylgna. Við þekkjum rafsegulbylgjur vel í okkar daglega lífi en tíðni þeirra segir til um hvað þær eru kallaðar dagsdaglega. Tíðni rafsegulbylgnanna segir til um orkuinnihald þeirra. Því hærri sem tíðnin er því meiri er orkan sem býr í bylgjunum. Útvarpsbylgjur og örbylgjur, ljós og röntgengeislar eru allt rafsegulbylgjur sem við þekkjum vel. Öll orkan sem kemur til Jarðarinnar frá sólinni er í formi rafsegulbylgna. Frá sólinni kemur sýnilegt ljós, útfjólublátt ljós og innrautt ljós. Sýnilegt ljós er dagsbirtan sem við sjáum á daginn frá sólinni. Of mikil útfjólublá geislun veldur því að húð okkar brennur í sólarljósi ef við erum of lengi úti í sólskini án þess að nota sólarvörn. Innrauð geislun er hitageislun, hitinn sem við finnum frá sólinni eða frá varðeldi er innrauð geislun. Þráðlaust net og farsímanet færa stafræn gögn með því að nota rafsegulbylgjur. Netbeinir sem tengir tæki við netið notar útvarpsbylgjur á tíðninni 2,4 Ghz eða 5 Ghz. Það þýðir að þær rafsegulbylgjur sem flytja gögn á milli staða sveiflast 2.400.000.000 til 5.000.000.000 sinnum á hverri sekúndu. RAFSEGULBYLGJUR HEILAPÚL
RkJQdWJsaXNoZXIy MjIxNzc=