45 Náttúrulega 3 │ 2. kafli Túr og túrvörur Tíðablæðingar standa yfirleitt í um 4-6 daga en geta þó varað í lengri eða styttri tíma. Stundum upplifa stelpur að þær missi mikið blóð þegar þær eru á blæðingum en yfirleitt eru það ekki nema 30-60 ml og líkaminn framleiðir meira blóð jafnóðum. Ef svimi gerir vart við sig þegar á blæðingum stendur getur verið gott að taka inn járn og muna að drekka nóg af vatni. Í undantekningatilfellum geta blæðingar orðið meiri og ef áhyggjur verða af blóðmagni er hægt að leita til læknis. Eðlilegt er að óþægindi fylgi blæðingum en ef verkir eru það slæmir að kona sé rúmföst er tilefni til að leita læknis þar sem slíkir verkir eru ekki eðlilegir. Til eru ýmsar gerðir túrvara til að auðvelda konum lífið á blæðingum og vonandi geta allar valið sér eitthvað sem hentar þeim. Tíðabindi – einnota og fjölnota Tíðabindi eru til í ýmsum stærðum og gerðum. Þau eru misrakadræg, mislöng, sum með vængjum og önnur ekki. Sum eru ilmefnalaus og úr efnum sem fara betur með líkamann en önnur eru með aukaefnum sem sumar konur þola illa og geta valdið óþægindum. Bæði er hægt að fá einnota bindi sem er hent eftir notkun en líka eru til fjölnota bindi sem hægt er að þvo og nota aftur og aftur. Túrtappi Annar valkostur eru túrtappar. Túrtappanum er stungið inn í leggöngin, annaðhvort með fingrunum eða hólki sem fylgir með sumum tegundum. Hann dregur í sig blóðið og er svo dreginn út á spotta sem er í honum þegar honum er skipt út. Í túrtöppum eru stundum aukaefni sem geta valdið óþægindum. Sumum finnst túrtappinn góður kostur á meðan öðrum finnst óþægilegt að hafa hann í leggöngunum. Ef túrtappi veldur óþægindum gæti verið að hann sé ekki kominn nógu Tíðablóð Í gegnum árin hefur blár vökvi verið notaður í auglýsingum til að sýna fram á rakadrægni ýmissa túrvara. Sumir halda því að tíðablóð sé blátt á litinn. Tíðablóð er þó auðvitað rautt eða brúnleitt eins og annað blóð.
RkJQdWJsaXNoZXIy MjIxNzc=