114 Náttúrulega 3 │ 4. kafli Plast Margt gott og margt slæmt má segja um plast. Plast er létt, endingargott og hægt að móta það nánast takmarkalaust í hvað sem vera skal. Plast eykur geymsluþol ýmissa matvæla, það er notað í alls konar öryggisbúnað og er notað víða í heilbrigðiskerfinu. Plast er einnig létt og því fer minni orka í að flytja það en sambærilega hluti úr öðrum efnum. Staðreyndin er samt sú að við notum alltof mikið af plasti. Plast er unnið úr olíu og með því að framleiða það göngum við á olíuauðlindir jarðarinnar. Plastið veldur einnig miklum vandræðum í ýmsum vistkerfum jarðarinnar þar sem það eyðist ekki heldur brotnar einungis niður í minni einingar á mjög löngum tíma. Því er mikilvægt að minnka notkun plasts umtalsvert. Við þurfum að kaupa minna, nota fjölnota vörur, versla þar sem hægt er að fá ýmsan varning umbúðalausan og passa að koma plasti sem þó er notað í endurvinnslu. Endurnýjanleg orka á Íslandi Ef við ætlum að halda hlýnun jarðar undir 2 gráðum er ekki hægt að brenna allt það jarðefnaeldsneyti sem til er í iðrum hennar. Þvert á móti verðum við að hægja á og helst stoppa brennslu á jarðefnaeldsneyti. Íslendingar eru svo heppnir að geta nýtt jarðvarma og vatnsföll sem orkugjafa og er næstum allt okkar rafmagn framleitt með þeirri hreinu orku. Sömuleiðis eru um 90% húsa á Íslandi hituð með jarðvarma sem er mjög sérstakt á heimsvísu. Út frá umhverfissjónarmiði er því skynsamlegri ákvörðun að einbeita sér að endurnýjanlegum orkugjöfum á Íslandi heldur en að leita að olíu við landið. Plast er til margra hluta nytsamlegt og getur verið mjög gagnlegt. Okkur hættir þó til að nota það stundum í óþarfa. Ef ég kaupi fisk úr búð fylgir oftast plastbakki með og svo er fiskinum líka pakkað í plast. Í gamla daga var fiskinum nú bara pakkað í pappír og dagblöð í búðinni… Svo mætti alltaf taka með fjölnota box með loki að heiman og fara með fiskinn heim þannig!
RkJQdWJsaXNoZXIy MjIxNzc=