Náttúrulega 1

139 Náttúrulega 1 │ 5. kafli MANNGERÐ VISTKERFI Manngerð vistkerfi eins og akrar og tún hafa færri tegundir en vistkerfi sem skapast náttúrulega. Stór landsvæði í heiminum hafa verið gerð að ræktunar­ svæði fyrir ákveðnar tegundir og því fer líffræði­ legur fjölbreytileiki minnkandi. Við það verður fæðu­ keðjan einfaldari þar sem færri tegundir er að finna á svæðinu. Manngerð vistkerfi er ekki einungis að finna í landbúnaði heldur einnig í borgum og bæjum. Þar er lítið um villtan gróður en tré og plöntur eru gróðursettar á valin svæði. Sums staðar má finna villta náttúru þegar baldursbrár, fíflar, njólar og ýmis strá ná að koma sér fyrir í sprungum í malbiki og á óhirtum svæðum. Starar og snjótittlingar eru algengar fuglategundir í byggð. Maðurinn hefur haft mikil áhrif á margvísleg vistkerfi og víða má sjá rafmagnslínur, stíflur og vegi. Mikilvægt er að koma rafmagni um allt land og áður fyrr voru raf­ magnslínur eina leiðin til þess. Baldursbrá. Fífill. Akrar.