| 40318 | © Landvernd og Menntamálastofnun 2022 | NÁTTÚRA TIL FRAMTÍÐAR 73 Byrjið þetta verkefni á að horfa á myndbönd um heimsmarkmiðin og hvað þú getur gert. Verkefnavinna 1. Hvaða heimsmarkmið (og undirmarkmið) tengjast náttúrunni beint? Ræðið þessi heimsmarkmið og vinnið svo 3-4 saman í hóp þar sem hver hópur tekur fyrir nokkur markmið og finnur tengingar við Ísland, sveitarfélagið, skólann og heimilið. Hvernig er heimurinn og Ísland að standa sig í að uppfylla þessi markmið? Hvernig tengjast heimsmarkmiðin lífbreytileika og vistheimt? Komið með tillögur að aðgerðum sem hægt er að fara í. Hóparnir kynna svo sínar niðurstöður og hugmyndir fyrir hinum í bekknum. Þessar niðurstöður og hugmyndir má svo taka saman og kynna fyrir skólayfirvöldum, foreldrum eða bæjar/borgaryfirvöldum. 2. Gapminder og stóru málin a. Farið á heimasíðu Gapminder og skoðið sérstaklega prófin um loftslagsvána, jarðefnaeldsneyti og tegundir í hættu. Þið hafið líklega rangt fyrir ykkur í flestum tilfellum (eins og flestir sem taka prófin). b. Hvað var rétt hjá ykkur og hvað var rangt? Hvað finnst ykkur merkilegast sem þið lærðuð á Gapminder? c. Horfið á myndband sem sýnir hvernig heiminum gengur að uppfylla markmiðin. d. Skoðið gögnin sjálf og hvernig heimurinn hefur breyst frá árinu 1800 þangað til dagsins í dag. Heimsmarkmið Hverju get ég breytt? Hverju getur fjölskyldan mín breytt? Hverju getur skólinn breytt? Hverju getur sveitarfélagið breytt? Hverju getur heimurinn breytt?
RkJQdWJsaXNoZXIy MjIxNzc=