| 40318 | © Landvernd og Menntamálastofnun 2022 | NÁTTÚRA TIL FRAMTÍÐAR 58 Fleiri frásagnahugmyndir ¾ Pablo Escobar var einn alræmdasti glæpamaður 20. aldar. Eitt af því sem hann gerði var að flytja fjöldann allan af villtum dýrum frá öðrum heimsálfum á búgarð sinn í Kólumbíu, Hacienda Napoles, þar á meðal kengúrur frá Ástralíu og gíraffa, strúta, fíla og flóðhesta frá Afríku. Flest dýranna voru fjarlægð eftir að veldi Escobars hrundi en fjórir flóðhestar voru skildir eftir. Lestu um örlög þessara flóðhesta og þau vandræði sem þeir eru að skapa í dag. ¾ Skoðið upplýsingar um hættuflokkana og válista fyrir íslenskar tegundir á vef Náttúrufræðistofnunar. Skoðið einnig rauða lista Alþjóðlegu náttúruverndarsamtakanna sem er gagnagrunnur yfir lífverur í hættu. Hver er munurinn á að vera útdauð tegund, útdauð í náttúrunni og útdauð á svæðinu? Af hverju eru sumar tegundir í meiri hættu en aðrar á að vera útrýmt? Er útrýming tegunda alltaf manninum að kenna? Hvað er hægt að gera til að koma í veg fyrir að tegund lendi í útrýmingarhættu? ¾ Skoðið EDGE of Existence verkefnið sem flokkar tegundir eftir því hversu þróunarfræðilega einstakar þær eru. ¾ Skoðið „ljótustu“ dýr í heimi. Af hverju eru þau ljót í okkar augum og skiptir það einhverju máli fyrir þau og vistkerfið sem þau búa í? Haldið þið að fólk vilji frekar vernda lífverur sem eru krúttlegar en þær sem eru skrýtnar eða ljótar? ¾ Lesið greinarnar Vágestir í vistkerfum eftir Menju von Schmalensee, sem voru birtar í tveimur heftum Náttúrufræðingsins árið 2010. Fyrri hluti er í 1.-2. hefti og seinni hluti er í 3.-4. hefti. Veltið eftirfarandi spurningum fyrir ykkur: Geta allar tegundir orðið ágengar? Hvaða eiginleika þarf tegund að hafa til að verða ágeng? Hvaða tegundir eru komnar til Íslands sem gætu orðið ágengar? ¾ Hvernig er Varúðarreglan og hvað þýðir hún í samhengi við ágengar tegundir? ¾ Mannfólkið er búið að eyðileggja svo mikið af búsvæðum villtra dýra og er komið svo nálægt dýrunum að sjúkdómar geta auðveldlega hoppað á milli. Hvernig tengist COVID-19 eyðingu búsvæða? Hvað er hægt að gera til að koma í veg fyrir að farsóttir berist úr dýrum í menn?
RkJQdWJsaXNoZXIy MjIxNzc=